Bugun Qoraqalpog‘iston Respublikasi Pedagogik mahorat markazida 8-mart Xalqaro xotin-qizlar bayramiga bag‘ishlangan bayram kechasi bo‘lib o‘tdi.
Tadbirda Pedagogika markazi direktori Venera Bekmuratova so‘zga chiqib, Prezidentimiz rahbarligida mamlakatimizda xotin-qizlarga g‘amxo‘rlik ko‘rsatish, ularni har tomonlama qo‘llab-quvvatlash, ijtimoiy-siyosiy, sotsial-iqtisodiy hayotdagi faolligini oshirishga alohida e’tibor qaratilayotganini ta’kidlab, yig‘ilganlarni samimiy qutlab, ezgu tilaklarini bildirdi.
Shundan so‘ng markazda xotin-qizlar tomonidan qo‘lga kiritilgan yutuqlar haqida so‘z yuritilib, ularga bayram sovg‘alari topshirildi.
Tadbir davomida yoshi ulug‘ ustozlar ham so‘zga chiqib, ko‘rsatilayotgan bunday e’tibor va g‘amxo‘rliklar uchun minnatdorlik bildirdi.
