#seminar Mo‘ynoqda kutubxonachilar uchun respublika o‘quv-seminari o‘tkazildi

O‘zbekiston Respublikasi Prezidentining 2026-yil 15-yanvardagi «Kitobxonlik madaniyatini rivojlantirish va aholi orasida kitob o‘qishga qiziqishni oshirish chora-tadbirlari to‘g‘risida»gi PQ-9-sonli qarori va Maktabgacha va maktab ta’limi vazirligining 2026-yil 5-mart kungi 89-sonli buyrug‘ini ta’minlash maqsadida Ijtimoiy-iqtisodiy fanlar metodikasi kafedrasi o‘qituvchisi G. Ubbiniyazova tomonidan Mo‘ynoq tumanida respublika kutubxonachilari uchun maxsus o‘quv-seminari tashkil etildi. Seminar davomida maktab kutubxonalarini modernizatsiya qilish va kitobxonlikni yangi bosqichga olib chiqish bo‘yicha quyidagi muhim masalalar ko‘rib chiqildi: Maktab va muassasalarda «Kitob o‘qish soatlari»ni tasdiqlangan reja asosida sifatli tashkil etish; Barcha foydalanuvchilar, shuningdek uzoq hududlardagi o‘quvchilar uchun ham kitob o‘qishda teng imkoniyatlar yaratish; O‘quvchilar va pedagoglar o‘rtasida «Eng faol kitobxon» tanlovlarini muntazam ravishda o‘tkazish;  Elektron kutubxona xizmatlarini rivojlantirish va ulardan samarali foydalanish metodikasini o‘rgatish;  Sinflar va bo‘limlarda mobil kutubxonalar, ko‘chma kitob ko‘rgazmalari va zamonaviy «Kitob burchaklari»ni tashkil etish. Seminar yakunida ishtirokchilar o‘zaro tajriba almashib, kelajakda amalga oshiriladigan vazifalar bo‘yicha takliflar ishlab chiqdi.