#KasbiyRivojlanishKuni #IjtimoiyFanlar Tayanch maktablarda pedagoglarning kasbiy rivojlanish tadbiri boshlandi

Bugun respublikamizdagi tayanch maktablarda Ijtimoiy fanlar yo‘nalishi bo‘yicha “Kasbiy rivojlanish kuni” tadbirlari boshlandi. Tadbirlar “Ijtimoiy-emotsional ta’lim (SEL) asosida pedagogning kasbiy farovonligi va barqarorligini ta’minlash — samarali ta’limning asosiy omili” mavzusida o‘tkazilmoqda.  Tadbirlarning asosiy natijalari:  pedagoglarning ijtimoiy-emotsional kompetensiyalarini rivojlantirish; kasbiy zo‘riqishlarni boshqarish va barqarorlikni mustahkamlash bo‘yicha amaliy ko‘nikmalarni shakllantirish;  dars jarayonida SEL yondashuvlaridan samarali foydalanish usullarini o‘zlashtirish;  o‘quvchilar bilan ijobiy va qo‘llab-quvvatlovchi ta’lim muhitini yaratish bo‘yicha tajriba almashish;  zamonaviy pedagogik metodlarni amaliyotga tatbiq etish bo‘yicha aniq tavsiyalar ishlab chiqish. Natijada pedagoglarning kasbiy mahoratini oshirish, darslar samaradorligini kuchaytirish hamda o‘quvchilar uchun yanada qulay ijtimoiy-emotsional ta’lim muhitini yaratishga zamin yaratilmoqda. MA’LUMOT UCHUN: Bugun respublikamizdagi 19 ta tayanch maktabda Ijtimoiy fanlar yo‘nalishi bo‘yicha “Kasbiy rivojlanish kuni” tadbirlari o‘tkazilmoqda. Mazkur tadbirlarda 735 nafar yetakchi o‘qituvchi ishtirok etmoqda.