Qaraqalpaqstan Respublikası Pedagogikalıq sheberlik orayı Tillerdi oqıtıw metodikası kafedrasınıń úlken oqıtıwshısı I. Dilmanov tárepinen professor-oqıtıwshılar ushın “Oqıwshılarda XXI ásir kónlikpelerin qáliplestiriw” temasında jańa ámeliy-oqıw seminarı shólkemlestirildi.
Seminarda professor-oqıtıwshılar:
Zamanagóy bilimlendiriw qatnasıqları menen tanıstı;
Oqıwshılarda kreativ pikirlew, sın kózqarastan oylaw hám sanlı sawatlılıqtı rawajlandırıw boyınsha eń sońǵı metodlardı úyrendi; Sonıń menen birge tómendegi metod hám platformalardan paydalanıw boyınsha ámeliy shınıǵıwlar ótkerildi:
Jarıs usılı
Mentimetr platforması
Oylan-jup-bolisiw metodi
Muzlan usılı
Seminarǵa oray direktorınıń akademiyalıq iskerlik boyınsha orınbasarı A. Qaypnazarov ta qatnastı.
Seminar dawamında professor-oqıtıwshılar óz ámeliy jumısında XXI ásir kónlikpelerin qáliplestiriwge qaratılǵan innovaciyalıq qatnaslardı qollanıw boyınsha bilim hám kónlikpelerin bekkemlew imkaniyatına iye boldı. 
