🎥Qaraqalpaqstan Respublikası Pedagogikalıq sheberlik orayında oktyabr ayına mólsherlengen pedagoglardıń kásiplik rawajlanıwın támiyinlewge qaratılǵan qánigeligin arttırıw kursları baslandı. Oqıw sabaqları dawamında pedagoglardıń kásiplik kompetenciyaların rawajlandırıw, zamanagóy bilimlendiriw kózqarasların ózlestiriw hám aldınǵı pedagogikalıq tájiriybelerdi ámeliyatqa engiziw boyınsha oqıwlar shólkemlestirilmekte. Sonday-aq, ay dawamında ámeliy sabaqlar, seminar-treningler hám zamanagóy pedagogikalıq texnologiyalarǵa baǵdarlanǵan ilajlar ótkeriliwi rejelestirilgen.
#KásiplikRawajlanıwKúni #JámiyetlikPánler Tayanısh mekteplerde pedagoglardıń kásiplik rawajlanıw ilajı baslandı
Búgin respublikamızdaǵı tayanısh mekteplerde Jámiyetlik pánler baǵdarı boyınsha “Kásiplik rawajlanıw kúni” ilajları baslandı. Ilajlar “Social-emocionallıq bilimlendiriw (SEL) tiykarında pedagogtıń kásiplik abadanlıǵı hám turaqlılıǵın támiyinlew – nátiyjeli bilimlendiriwdiń tiykarǵı faktorı” temasında ótkerilmekte. Ilajlardıń tiykarǵı nátiyjeleri: pedagoglardıń social-emocional kompetenciyaların rawajlandırıw; kásiplik zorıǵıwlardı basqarıw hám turaqlılıqtı bekkemlew boyınsha ámeliy kónlikpelerdi qáliplestiriw; sabaq procesinde SEL jantasıwlarınan nátiyjeli paydalanıw usılların […]