15-may – Xalıqaralıq shańaraq kúni múnásibeti menen Qaraqalpaqstan Respublikası Pedagogikalıq sheberlik orayında “Shańaraq – tárbiya orayı, jámiyettiń tayanıshı” atamasında seminar shólkemlestirildi. Ilajda Pedagogikalıq sheberlik orayı direktorınıń akademiyalıq iskerlik boyınsha orınbasarı A.Qaypnazarov, Qaraqalpaqstan Respublikası Ádillik ministrligi Nókis qalası PHAJ bólimi baslıǵı S.Pirnazarova, “Pedagogika, psixologiya hám tálim texnologiyaları metodikası” kafedrası baslıǵı, professor M.Utepbergenov, professor-oqıtıwshılar hám tıńlawshılar qatnastı. Seminar dawamında shańaraqlıq qádiriyatlardı bekkemlew, jas áwladtı bárkamal etip tárbiyalaw, shańaraqlarda salamat ruwxıy ortalıqtı qáliplestiriw hám ata-analardıń perzent tárbiyasındaǵı juwapkershiligin arttırıw máselelerine ayrıqsha itibar qaratıldı. Sonday-aq, mektep ámeliyatshı psixologlarınıń qánigeligin arttırıw kurs tıńlawshıları tárepinen shańaraqlıq qatnasıqlardı bekkemlewge qaratılǵan psixologiyalıq trening shólkemlestirildi. Ilaj soraw-juwap hám qızıqlı pikirlesiwler tiykarında juwmaqlandı. 
Uqsas jańalıqlar
Mártlik hesh qashan umıtılmaydı
Ximiya – bul ómir
