Tıńlawshılar ushın Mizdaxan tariyxıy kompleksine sayaxat shólkemlestirildi

 Qaraqalpaqstan Respublikası Pedagogikalıq sheberlik orayınıń “Pedagogika, psixologiya hám tálim texnologiyaları” kafedrasınıń baslaması menen oray tıńlawshıları ushın Xojeli rayonında jaylasqan Mizdaxan tariyxıy-arxeologiyalıq kompleksine ekskursiya shólkemlestirildi. Sayaxat dawamında tıńlawshılar áyyemgi tariyx, bay mádeniy miyras hám tákirarlanbas arxitekturalıq estelikler menen jaqınnan tanıstı. Eki mıń bes júz jıllıq tariyxqa iye bul kompleks óziniń siyrek ushırasatuǵın arxeologiyalıq estelikleri hám sırlı ótmishi menen turistler, ilimpazlar hám xalıqaralıq ekspertlerdiń itibarın tartıp kelmekte. Ekskurciya procesinde ashıq aspan astındaǵı eki mıń bes júz jıllıq tariyxqa iye Mizdaqxan kompleksindegi tariyxı b. e. sh. III ásirden baslanatuǵın Gáwir qala, XII-XIII ásirlerde qurılǵan “Mazlumxan sulıw” “Erejep Xalifa”, “Shamun Nabiy” “Jomart qassap”, “Qırıq shopan” maqbarasın zıyarat etti.