A.Avloniy atındaǵı Pedagogikalıq sheberlik milliy institutı hám Franciyanıń “Frankofoniya” orayı arasındaǵı birge islesiw kelisiminiń sheńberinde házirgi kúnlerde ózbekstanlı pedagoglar Franciyanıń Nitssa qalasında qánigeligin arttırıw kurslarında qatnaspaqta. Bul xalıqaralıq oqıw baǵdarlaması óziniń kreativ kózqarası menen áhmiyetli bolıp, sabaqlardıń tiykarǵı bólegi dástúriy auditoriyalardan tısqarı – ashıq aspan astında shólkemlestirilmekte. Aix-en-Provence institutı menen birgelikte shólkemlestirilgen 10 kúnlik oqıw kurslarında Qaraqalpaqstan Respublikası Pedagogikalıq sheberlik orayınıń xızmetkerleri:
➖ Oygul Berdimuratova – “Pedagogika, psixologiya hám bilimlendiriw texnologiyaları metodikası” aǵa oqıtıwshısı;
➖ Joldasbay Dalibaev – Sanlı texnologiyalardı rawajlandırıw bólimi bas qánigesi belsene qatnaspaqta.
➖ Oqıw kursı juwmaǵında barlıq qatnasıwshılarǵa Frankofoniya orayı hám de Aix-en-Provence institutı tárepinen xalıqaralıq sertifikatlar tapsırıladı.
