Pedagoglardıń kásiplik sheberligin arttırıw, kreativ pikirlewdi rawajlandırıw hám zamanagóy bilimlendiriw metodları boyınsha bilimlerin bekkemlew maqsetinde Metodikalıq xızmet kórsetiw bólimi tárepinen “Metodikalıq zakawat” intellektuallıq oyını shólkemlestirildi.
✍️ Oyında inglis tili, muzıka mádeniyatı hám texnologiya baǵdarlarınan jámi 15 tıńlawshı qatnastı.
Qızǵın hám mawasasız pikir-talaslar ruwxında ótken oyında qatnasıwshılarǵa pedagogikalıq sheberlik, zamanagóy metodlar hám de kásiplik kompetenciyalardı rawajlandırıwǵa qaratılǵan 20 soraw berildi. Komandalar hár bir sorawǵa 1 minut dawamında másláhátlesip, komandalıq juwap berdi. ️ Oyın dawamında tóreshiler quramı tárepinen juwaplar qalıs bahalap barıldı.
🏆 Juwmaqlawshı nátiyjeler:
🥇-orın – Inglis tili jónelisi tıńlawshıları (16 ball)
🥈-orın – Texnologiya baǵdarı tıńlawshıları (15 ball)
🥉-orın – Muzıka mádeniyatı jónelisi tıńlawshıları (4 ball)
🎙️ Tiykarǵı basqısh juwmaǵında inglis tili hám texnologiya komandaları 13 balldan toplap, teń nátiyje kórsetkeni ushın jeńimpazdı anıqlaw ushın qosımsha 3 soraw berildi.
Jeńimpaz hám sıylı orın ieleri “Húrmet jarlıǵı” hám estelik sawǵaları menen sıylıqlandı.
