Tálimdi rawajlandırıw respublikalıq ilimiy-metodikalıq orayı hám Jorjtaun universiteti menen birgelikte Abdulla Avloniy atındaǵı Pedagogikalıq sheberlik milliy institutında shólkemlestirilgen “Bilimlendiriw procesinde generativ jasalma intellektten paydalanıw hám onlayn kurslardı islep shıǵıw” temasındaǵı xalıqaralıq oqıw-ámeliy seminar juwmaqlandı. Bul xalıqaralıq seminarda Qaraqalpaqstan Respublikası Pedagogikalıq sheberlik orayınıń professor-oqıtıwshıları hám Metodikalıq xızmet kórsetiw bóliminiń metodistleri de belsene qatnasıp, bilimlendiriw procesinde generativ jasalma intellekt texnologiyalarınan nátiyjeli paydalanıw, zamanagóy onlayn kurslardı islep shıǵıw hám bilimlendiriwdiń sapasın arttırıwǵa qaratılǵan aldınǵı tájiriybeler menen tanıstı. Seminar dawamında qatnasıwshılardıń bilim hám kónlikpelerin jáne de bekkemlew, sanlı bilimlendiriw imkaniyatlarınan nátiyjeli paydalanıw hám zamanagóy pedagogikalıq qatnaslardı ámeliyatqa engiziw máselelerine ayrıqsha itibar qaratıldı. Seminar juwmaǵında qatnasıwshılarǵa belgilengen oqıw baǵdarlamasın tabıslı tamamlaǵanlıǵın tastıyıqlawshı sertifikatlar tapsırıldı. 
JASALMA INTELLEKT — BILIMLENDIRIWDE JAŃA IMKANIYATLAR: XALÍQARALÍQ SEMINAR JUWMAQLANDÍ
Back To Top