- Búgin Ózbekstan Respublikası Bas ministriniń birinshi orınbasarı — bilimlendiriw hám ilim ministri Erkinjon Turdimov ministrlik sisteması xızmetkerleri menen ushırasıw ótkerdi. Bala baqshaǵa barıwı, oqıwshı mektepte puqta bilim alıwı, student bolsa iyelegen bilimi hám kásibi menen ómirde óz ornın tabıwı kerek. Usı maqsette mektepke shekemgi bilimlendiriwge qamtıp alıwdı keńeytiw, bilimlendiriwdiń sapasın arttırıw, jaslardı kásipke tayarlaw hám ilimge qızıǵıwshılıǵın qollap-quwatlaw máseleleri dodalandı. Muǵallimniń jámiyettegi abırayı hám statusın arttırıw, onıń miyneti qádirleniwi, óz ústinde islewi hám bar itibarın bilimlendiriwge qaratıwı ushın múnásip sharayat jaratıw da áhmiyetli wazıypalardan biri sıpatında atap ótildi. Erkinjon Turdimov mashqalalardı sanap shıǵıw menen sheklenbesten, hár biri boyınsha ámeliy sheshim islep shıǵıw zárúrligin atap ótti. Xızmetkerlerge oqıwshı, student hám pedagog turmısında unamlı ózgeris beretuǵın anıq usınıslar tayarlaw wazıypası qoyıldı. Sóylesiwde jaslar, oqıwshı hám studentlerdi qıynap atırǵan máselelerdi úyreniw, olardıń dártin tıńlaw, sapalı bilim alıwı ushın jáne de jaqsı sharayat jaratıwǵa ayrıqsha itibar qaratıldı.
Uqsas jańalıqlar
JASALMA INTELLEKT — BILIMLENDIRIWDE JAŃA IMKANIYATLAR: XALÍQARALÍQ SEMINAR JUWMAQLANDÍ
XOSh XABAR! ⚡Pedagogikalıq sheberlik orayınıń aǵa oqıtıwshısı “Xalq ta’limi a’lochisi” kókirek belgisi menen sıylıqlandı
