Qaraqalpaqstan Respublikası Pedagogikalıq sheberlik orayında “Mektepke shekemgi, baslawısh hám arnawlı tálim metodikaları” kafedrasınıń baslaması menen tıńlawshılar arasında “Ziyrek tıńlawshı” tańlawı shólkemlestirildi. Bul tańlaw tıńlawshılardıń bilim potencialın arttırıw, logikalıq hám dóretiwshilik pikirlew qábiletlerin rawajlandırıw, innovaciyalıq ideyaların qollap-quwatlaw hám jámáátlik birge islesiw kónlikpelerin bekkemlewge qaratılǵan. Tańlaw dawamında qatnasıwshılar úsh shárt tiykarında óz bilim hám sheberliklerin kórsetti. Qızǵın hám mazmunlı ótken jarıs juwmaǵında qatnasıwshılar “Ziyrek tıńlawshı,” “Bilimdan tıńlawshı,” “Kreativ tıńlawshı,” “Innovaciyon tıńlawshı” hám “Dóretiwshi tıńlawshı” nominaciyaları boyınsha sıylıqlandı.
