Qaraqalpaqstani Respublikası pedagoglardı jańa metodikalarǵa úyretiw milliy orayınıń «Pedagogika, psixologiya tálim texnologiyaları» kafedrası docenti, psixologiya ilimleri boyınsha filosofiya doktorı (PhD) Ella Suletbaeva hám «Anıq pánler hám tábiyiy pánler metodikası» kafedrası oqıtıwshısı Asqar Naǵmetullaevlar tárepinen « Pedagogtıń XXI ásir kónlikpesi» joybarı tiykarında «SMARTER texnologiyası» atamasında seminar-trening ótkerildi.
SMARTER texnologiyası nátiyjelilikti asırıw ushın, mısalı, arnawlı bir temanı úyreniwde qollanıladı. SMARTER boyınsha maqset qoyılsa, nátiyjeni tekseriw, process qanshelli jaqsı ótip atırǵanın túsiniw, motivaciyanı joytpaw ushın barlıq qızıǵıwshılardı tartıw ańsatlaw boladı.
SMARTER kóbinese óz turmıslıq strategiyası hám taktikasında maqsetler qoyıw ushın isletiledi, yaǵnıy oqıtıwshı bul usıldan jumıs iskerligide paydalanıwı múmkin.
S — Specific. Arnawlı bir maqset barma? Konkret ne islew kerekligi anıqpa? Biz nege erisemiz?
M — Measurable. Maqsetti ólshew múmkinbe? Nátiyjeni qanday ólshew múmkin? Maqsetke erisilgenligin qanday túsiniw múmkin?
A — Achievable. Maqsetke erisiw múmkinbe? Bunday maqsetke erisiw haqıyqattan da múmkinbe? Bul haqıyqıyma?
R — Relevant. Maqset aktual hám áhmiyetlime? Nege bul jeke men ushın zárúr? Ne ushın bul basqalar ushın zárúr bolıwı múmkin?
T — Timed-bounded. Maqsetke belgili waqıt aralıǵında erisiw múmkinbe? Qaysı waqıtta maqsetke erisemiz?
E — Evaluated. Maqset úzliksiz túrde bahalanadıma? Maqsetke erisiwdiń hár bir basqıshı bahalanadıma?
R — Reviewed. Bahalawdan keyin maqset qayta kórip shıǵıladıma? Maqsetti dúzetiw bolama?
SMARTER-den paydalanıp, siz óz-ózin basqarıw kónlikpelerin rawajlandırıwıńız múmkin: temanı járiyalaǵannan keyin, siz oqıwshılardı sabaq yamasa ózleri ushın bir qansha hár túrli mazmundaǵı joybar yamasa klass ushın ulıwma maqsetti belgilew ushın siz benen birge islewdi usınıwıńız múmkin. Sabaq aqırında, sabaqlar ciklında, shereklerde kútilgen nátiyjelerge eriskenińizdi tekseriń.
