2024-jıl 5-iyun kúni Anıq hám tábiyiy pánlerdi oqıtıw metodikası kafedrası aǵa oqıtıwshısı G.Jiemuratova hám Metodikalıq xızmet kórsetiw bólimi metodisti J.Utepbergenovlar tárepinen qánigeligin arttırıwǵa kelgen geografiya páni tıńlawshılarına «Geografiya páninen Milliy sertifikat tapsırmaları hám olardıń analizi» temasında binar sabaq ótti. 
Binar sabaqta tiykarınan Ózbekstan Respublikası Ministirler kabinetiniń 2020-jıl 12-oktyabrdegi “Ulıwma bilim beriw pánleriniń biliw dárejesin bahalawdıń milliy test sistemasın engiziw haqqında”ǵı 646-sanlı qarar mazmunınan kelip shıǵıp Geografiya páninen milliy test sisteması ushın qóliplestiriletuǵın test tapsırmaları mazmunın belgilewshi normativ hújjetler, test tapsırmalarınıń úlgileri, formatları haqqında túsinik berildi. Sonıń menen birge Geografiya páninen úlgi test tapsırmaların qaytıp orınlaw usılların kórsetip metodikalıq járdem berildi.
Geografiya páninen Milliy sertifikat tapsırmaları hám olardıń analizi
Back To Top