Ózbekstan Respublikası Prezidentiniń 2023-jıl 26-maydaǵı 79-sanlı Pármanında belgilengen wazıypalardıń orınlanıwın támiynlew maqsetinde, Mektepke shekemgi hám mektep bilimlendiriw ministriniń 2023-jıl 16-avgusttaǵı “Tájiriybe mekteplerinde bilimdi bahalawdıń jańa tártibin engiziw haqqında”ǵı 248-sanlı buyrıǵı tiykarında 2023-2024-oqıw jılında 500 mektepte, sonnan Qaraqalpaqstan Pespublikasında 34 mektepte tájiriybe-sınaw ótkerildi.
Jańa 2024-2025-oqıw jılında jańa bahalaw sistemasına qamtıp alıwdı keńeyttiriw maqsetinde Qaraqalpaqstan Respublikasındaǵı 44 ulıwma bilim beriw mektepleri jańa bahalaw sistemasına hám de 79 ulıwma bilim beriw mekteplerinde Prezident bilimlendiriw mákemeleri agentligi sistemasındaǵı qánigelestirilgen mekteplerdiń oqıw baǵdarlamaları engiziliwi rejelestirilmekte.
Usı mekteplerdiń direktorları, direktor orınbasarları hám de pán metodikalıq birlespe baslıqlar qatnasında usı jıldıń 6-9-avgust kúnleri arnawlı reje-grafik tiykarında ministrlik xızmetkerleri, Prezident bilimlendiriw mákemeleri agentligi sistemasındaǵı qánigelestirilgen mektepleriniń direktor orınbasarları, Respublika bilimlendiriw orayı hám Qaraqalpaqstan Respublikası Pedagogikalıq sheberlik orayınıń “Metodikalıq xızmet kórsetiw”bólimi metodistleri qatnasıwında oqıw seminarlar Respublikamızdıń 7 aymaǵında shólkemlestiriledi.
Nókis qalası, Shımbay hám Qońırat rayonlarında tiyisli qánigeler tárepinen oqıw seminarlar ótkerilmekte.
Bahalaw bul – Standartlastırılǵan baǵdarlama tiykarında oqıwshınıń bilim, kónlikpe hám uqıplıǵı haqqında juwmaq shıǵarıwshı sistemalı usılı, Keń kólemli metodikalıq texnikanı qamtıp alatuǵın turaqlı proces, Bilimlendiriwde ósiwdi belgilep beretuǵın kriteriya.
BAHALAW SISTEMASÍ NELERGE TIYKARLANADÍ
Oqıw dástúri (Standart), Oqıw reje, BSB hám ShSB tapsırmaları, Bahalaw ólshemleri (kriteriya), Kriteriyalarǵa tiykarlanǵan bahalaw sisteması, Biliw, Qollaw, Pikirlew.
Formativ bahalaw:
Turaqlı túrde rejelestitilgen halda alıp barılatuǵın process.
Oqıwshılardıń bilimlerin úyreniwde bahalaw process.
Sabaq dawamında oqıwshıǵa soraw-juwap, oyınlar, joybarlar, prezentaciyalar, topar jumısı arqalı bahalaw.
Maqset: Oqıwshınıń bilimindegi boslıqların anıqlap, onıń ósiwi ushın kerekli járdemin kórsetiw.
Nátiyjeler oqıwshıǵa óz jumıs nátiyjeligin baqlap barıw hám zárúrlik boyınsha oqıtıw metodikasın talqılaw ushın qollanıladı.
Summativ bahalaw
belgili bir oqıw dáwiri yamasa oqıw dástúriniń bólimi (sherek, oqıw jılı, bap, bólim) aqırında ámelge asırılatuǵın bahalaw túri.:
Maqseti: oqıwshılar úyreniw kerek bolǵan bilim kónlikpe hám uqıplılıq qay dárejede ózlestirgenligin tekseriw.
