Búgin 9-sentyabr kúni barlıq joqarı oqıw orınlarında hám Pedagogikalıq sheberlik orayında jańa oqıw jılı baslandı.
Pedagogikalıq sheberlik orayında 9 –14-sentyabr kúnleri qánigeligin arttırıw kursları rejesine tiykarlanıp 19 baǵdar boyınsha 27 toparda 692 tıńlawshı bilim aladı.
Pedagogikalıq sheberlik orayınıń maqseti – tálim-tárbiya procesin mámleketlik bilimlendiriw talaplarına muwapıq joqarı ilimiy-metodikalıq dárejede támiyinlew, sonday-aq, oqıtıwdıń interaktiv usılları boyınsha kásiplik hám pedagogikalıq sheberlikti turaqlı túrde rawajlandırıwǵa kómeklesiw ushın zárúr bolǵan kásiplik bilim hám kónlikpelerdi úzliksiz jańalap barıw, tálim-tárbiya procesin shólkemlestiriwdiń jańa principleri hám zamanagóy usılların engiziw, pedagoglardı jańa metodikalarǵa úyretiwdi jáne de jetilistiriw, olarda ustazlıq kónlikpelerin qáliplestiriw, uqıplılıq talapları, normativlik-huqıqıy hújjetler menen tanıstırıp barıw bolıp esaplanadı.
