Qaraqalpaqstan Respublikası Pedagogikalıq sheberlik orayında pedagog xızmetkerlerdiń úzliksiz kásiplik rawajlandırıw oqıw kursları baslandı.
Úzliksiz kásiplik rawajlandırıwdıń maqseti – xızmetkerlerdiń iyelep turǵan lawazımları, qánigeligi yamasa sabaq beretuǵın pánleri boyınsha kásiplik hám pedagogikalıq sheberliginiń turaqlı túrde ósip barıwın, olardıń aldıńǵı pedagogikalıq hám málimleme texnologiyalar, sonday-aq, oqıtıwdıń interaktiv usılları boyınsha kásiplik bilimleri, kónlikpeleri menen uqıplılıǵınıń turaqlı jańalanıp barılıwın támiyinlew, olardı mámleketlik bilimlendiriw standartları, talapları hám tarawǵa tiyisli nızamshılıqlar menen turaqlı tanıstırıp barıwdan ibarat.
