Qaraqalpaqstan Respublikası Pedagogikalıq sheberlik orayında korrupciyaǵa qarsı gúresiw máselelerine baǵıshlanǵan «Korrupciya – jámiyet dushpanı» atamasında oqıw-seminarı bolıp ótti. Onda Pedagogikalıq oraydıń aǵa oqıtıwshısı A.Shırazov tárepinen «Mámleketimizde korrupciya jınayatına qarsı gúresiwdiń huqıqıy tiykarları» atamasında prezentaciya islenip, korrupciyanıń aldın alıw, onıń jámiyet hám mámleket rawajlanıwına keri tásiri, ol boyınsha nızam hújjetlerindegi juwapkershilikler haqqında túsinik berildi.
Sonday-aq, qatnasıwshılarǵa dámegóylik, para alıw, jumıs ornında aǵayinshilik illetleri, lawazımınan óz mápleri ushın paydalanıw korrupciyanıń birden-bir kórinisleri ekenligi, bunday jaǵdaylardıń aqıbetleri boyınsha huqıqıy túsinikler berildi.
Ilajda qatnasıwshılar qızqtırǵan máseleler ústinde pikirlesti.
