Qaraqalpaqstan Respublikası Pedagogikalıq sheberlik orayı «Mektepke shekemgi, baslawısh hám arnawlı tálim metodikaları» kafedrası professor-oqıtıwshıları tárepinen 13-mart-qazaq xalqınıń «Kórisiw-amal merekesi» kúni múnásibeti menen bayram ilajı ótkerildi.
Ilajda kóp milletli Qaraqalpaqstan aymaǵında házirgi waqıtta 300 mıńǵa shamalas qazaqlar bolıp, olar usı úlkede jasawshı basqa xalıqlar menen bir atanıń balalarınday tınısh-tatıw turmıs keshiririp atırǵanlıǵın aytıp ótti.
Usı kúni ata-babalarımız qıstan aman-esen shıqqanına quwanıp, usı sánede barlıq awıl-aymaq bas qosıp bul merekeni bayramlaǵan.
13-mart-qazaq xalqınıń «Kórisiw-amal merekesi» kúninde bir-biri menen qushaq ashıp kórisip, elge kirip kelgen jańa jıl menen bir-birin qutlıqlaydı. Jaqsı tilekler aytıp, ótken jıldan qalǵan ókpe-giyne, qapashılıqlardı umıtıp, bul kúndi bayram sıpatında keń túrde bayramlaydı.
