ÓZBEKSTAN RESPUBLIKASÍ MEKTEPKE SHEKEMGI HÁM MEKTEP BILIMLENDIRIW MINISTRLIGI
QARAQALPAQSTAN RESPUBLIKASÍ PEDAGOGIKALÍQ SHEBERLIK ORAYÍ
Pedagogikalıq sheberlik orayında: “Jańa shoqqılar – bilimlendiriwde izleniwshilik hám dóretiwshilik”
atamasında ótkeriletuǵın respublikaliq ilimiy-ámeliy konferenciyanıń
XABARNAMASÍ
Pedagogikalıq sheberlik orayında 2025-jıl 16-may kúni Nókis qalasında “Jańa shoqqılar – bilimlendiriwde izleniwshilik hám dóretiwshilik” temasındaǵı respublikaliq ilimiy-ámeliy konferenciya shólkemlestiriwin málim etedi hám onda qatnasıwǵa mirát etedi.
Konferenciyanıń maqseti: Pedagogikalıq tájiriybe almasıw, zamanagóy bilimlendiriw texnologiyaların engiziw hám XXI ásirde bilimlendiriw procesinde jańasha qatnaslardı dodalaw. Oqıtıwshılardıń kásiplik tayarlıq dárejesi, proffesional kompetentligi hám pedagogikalıq sheberligin turaqlı rawajlandırıp barıw sıyaqlı máselelerdi hár tárepmele tereń analizlew kózde tutılǵan.
Konferenciya tómendegi sessiyalar boyınsha shólkemlestiriledi:
1-sekciya: Pedagogikalıq sheberlik – tálim sapasın asırıwdıń áhmiyetli faktorı
2-sekciya: Anıq hám tábiyiy pánler oqıtıwshılarınıń pedagogikalıq sheberliklerin rawajlandırıw mashqalaları
3-sekciya: XXI ásir sharayatında filologiya pánlerin oqıtıw máseleleri
4-sekciya: Sociallıq pánlerdi oqıtıwda pedagogikalıq innovaciyalar hám dóretiwshilik
5-sekciya: Baslawısh tálimde pedagoglardıń kásiplik sheberliklerin rawajlandırıwda xalıqaralıq tájiriybelerdi en jaydırıw
6-sekciya: Úzliksiz kásiplik rawajlandırıw procesinde pedagogikalıq-psixologiyalıq qatnaslar
Konferenciyanıń rásmiy tili: qaraqalpaq, ózbek, rus, ingliz tilleri.
Qatnasıwshılar: Basshı hám pedagog kadrlardıń qánigeligin arttırıwǵa qánigelesken institutlar, oraylar, joqarı bilimlendiriw mákemeleriniń professor-oqıtıwshıları, ulıwma bilim beriw mákemeleriniń basshıları hám oqıtıwshıları, jas ilimpazlar, izertlewshiler, bilimlendiriw sistemasın basqarıw uyımlarınıń xızmetkerleri, bilimlendiriw tarawında jumıs alıp baratuǵın xalıqaralıq hám sırt el shólkemleriniń wákilleri.
Ilimiy-ámeliy áhmiyetke iye bayanatlar konferenciya materialları toplamda basıp shıǵılıwı rejelestirilgen.
Konferenciyada qatnasıwdı qálewshiler, maqala hám tezislerin konferenciya materialları toplamında baspadan shıǵarıw ushın 2025–yil 5-mayǵa shekem pedagogikaliqoray1@gmail.com yaki https://t.me/konferenciya_2025jil elektron mánziline jiberiliwi soraladı.
Konferenciyanı shólkemlestiriw komitetiniń mánzili:
Nókis qalası, E.Alakóz kóshesi, 54-úy
Tel.: +998 (61) 224-13-80
Maqalaǵa qoyılatuǵın talaplar:
Maqala kólemi – 3-5 bet;
Betler formatı – A-4;
Til – qaraqalpaq, ózbek, rus, inglis tilleri.
Abzac – 1,25 sm.
Shrift – Times New Roman;
Shrift ólshemi – 12 pt;
Qatarlar aralıq interval – 1 interval;
Bet shetindegi maydan – hámme tárepten 2 sm;
Tekstti tegislew – keńlik boyinsha;
Maqola faylı – Microsoft Word (*.docx)
Maqala strukturası:
Maqalada maǵlıwmatlar tómendegi tártipte jaylastırıladı:
– maqala atı úlken háripler menen (jirniy shrift) ortadan;
– avtordıń familiyası, atı hám ákesiniń atı tolıq, jumıs ornı hám lawazımı, ilimiy dárejesi hám ilimiy ataǵı (bar bolsa);
– mákemeniń tolıq atı, aymaq, mámleket;
– úsh tilde (ózbek, rus, inglis) annotaciya;
– úsh tilde (ózbek, rus, inglis) tayanish sózler;
– tiykarǵı tekst (kirisiw, tiykarǵı bólim, erisilgen nátiyjeler hám juwmaqlar);
– paydalanılǵan ádebiyatlar dizimi (tekstte paydalanılǵan dereklerdiń izbe-izliginde rásmiylestiriledi, ádebiyatlarǵa siltemeler kvadrat qawsırmalarda paydalanılǵan ádebiyat nomerin qoyıw menen belgilenedi).
Esletpe! Maqala teksti redaktorlanbaydı hám tiykarǵı nusqa dep esaplanadı. Maqalalar toplamı tikkeley nusqa alıw jolı menen toplamǵa jaylastırıladı.
Usınılıp atırǵan maqalalardıń joqarıda kórsetilgen talaplarǵa tolıq ámel etilgen halda tayarlanıwı hám redaktorlanıwına itibar qaratıw talap etiledi.
Joqarıdaǵı talaplar tiykarında tayarlanbaǵan maqalalar kórip shıǵılmaydı, toplamǵa kirgizilmeydi hám avtorǵa qaytarılmaydı.
