#Tańǵı_ilaj
2025-jıl 11-aprel kúni Qaraqalpaqstan Respublikası Pedagogikalıq sheberlik orayı «Tillerdi oqıtıw metodikası» kafedrası, «Qazaq tili hám ádebiyatı páni oqıtıwshıları» kásiplik rawajlanıw kursınıń shólkemlestiriwinde “Milliy kún” ilajı bolıp ótti.
Ilajdıń maqseti milletler arasında doslıq, awızbirshilik hám húrmet sezimlerin bekkemlewden ibarat.
Qatnasıwshılar qazaq xalqınıń naqıl-maqalları, dástúriy qosıqları, úrp-ádetleri hám milliy kiyimleriniń ózgeshelikleri haqqında maǵlıwmat alıp, qazaq mádeniyatınıń áhmietine tereń kirip bardı.
Ilaj dawamında qatnasıwshılar óz-ara tájiriybe almasıw, mádeniyatlar arasında doslıq hám awızbirshilikti bekkemlew baǵdarında pikir alısıp, bir-biri menen pikirlesti. Bul ilaj milliy qádiriyatlardı ulıǵlap, xalıqlar arasındaǵı tatıwlıqtı arttırıwǵa úlken úles qostı.
Pedagogikalıq sheberlik orayına kursqa kelgen oqıtıwshılar bul ilajdan alǵan tásirleri, mekteplerde milliy doslıqtı úgit-násiyatlaytuǵın sabaqlardı ótkeriw zárúrligi haqqında pikirleri menen birlesip, bunday baslamalardı bilimlendiriw tarawında sistemalı túrde ámelge asırıw áhmietli ekenligin atap ótti.
