“Baslawısh, mektepke shekemgi hám arnawlı tálim metodikaları” kafedrası docenti G.Yusupova tárepinen baslawısh tálim 1-topar kurs tıńlawshıları ushın «Klass basshisiniń klastan tis ruwxiy-aǵartíwshiliq ilajlardi zamanagóy qatnaslar arqali shólkemlestiriw» atamasında ashıq sabaq ótkerildi.
Sabaqtıń maqseti – tıńlawshılardıń baslawısh klasslarda klasstan tısqarı ruwxıy-aǵartıwshılıq ilajlardı zamanagóy pedagogikalıq kózqaraslar tiykarında nátiyjeli shólkemlestiriw boyınsha bilim hám kónlikpelerin rawajlandırıw, olarda birge islesiw, kreativ pikirlew hám sın kózqarastan qatnasıw, olardıń qábiletlerin elede jetilistiriwden ibarat. Sabaq tıńlawshılardıń ruwxıy keypiyatın kóteriw maqsetinde azanǵı tilekler menen baslandı. Tıńlawshılar “Kitapqumarlar,” “Qaharmanlar,” “Mehribanlar” hám “Qádiriyatshılar” sıyaqlı toparlarǵa bólingen halda, olarǵa aldınnan berilgen ruwxıy-aǵartıwshılıq ilajlar boyınsha islenbelerin usındı.
“Kitapqumarlar” toparı – “Kitapqumarlıq baxıtlı ómir faktorı” temasında ilajlar: “Perzentime kitap sawǵa etemen” akciyası, “Kitabım – quyashım!” prezentaciyaları.
“Qaharmanlar” toparı – Ózbekstan Qaharmanı Allaniyaz Óteniyazov iskerligi mısalında pidayılıq hám miynet temasında ádep-ikramlılıq tárbiyası.
“Mehribanlar” toparı – 15-aprel Xalıqaralıq shańaraq kúni múnásibeti menen “Meniń ákem – meniń qaharmanım” temasında sáwbetlesiw.
“Qádiriyatshılar” toparı – milliy úrp-ádetler hápteligi sheńberinde “Belde belbewim – basımda taqiya”, “Lipos insan ziyneti” temalarında chellenj.
Sabaq barısında tıńlawshılardıń ózara kollobaratciyalıq, kreativlik hám kritikalıq pikirlew qábiletleri keńeydi.
