XXI ásir mektep direktorı: strategiyalıq jetekshilik hám innovaciyalıq qatnas 2025-jıl 25-30-aprel kúnleri Qaraqalpaqstan Respublikası Pedagogikalıq sheberlik orayınıń baslaması menen zamanagóy bilimlendiriwdi basqarıw hám innovaciyalıq kózqaraslarǵa arnalǵan seminar-trening bolıp ótti.
Seminar-trening dawamında qatnasıwshılar zamanagóy mektep basqarıwı boyınsha tereń bilim hám ámeliy kónlikpelerge iye bolmaqta. Ilajda Xojeli rayonı, Ámiwdárya rayonı hámde Nókis qalası ulıwma bilim beriw mektepleriniń direktorları belsene qatnasıp, óz tájiriybeleri menen bólisti.
Seminar-trening dawamında: Strategiyalıq pikirlew tiykarları, Bilimlendiriwde innovaciyalıq basqarıw kózqarasları, Liderlik hám nátiyjeli kommunikaciya kónlikpeleri sıyaqlı áhmietli temalarda ámeliy shınıǵıwlar ótkerildi. 
