2025-jıl 7-may kúni Qaraqalpaqstan Respublikası Pedagogikalıq sheberlik orayında 9-may – Eslew hám qádirlew kúni múnásibeti menen “Mártler qorǵaydı Ana Watan” atamasında ruwxıy-aǵartıwshılıq ilaj shólkemlestirildi. Ilajda Awǵan urısı veteranı Maqset Xudaybergenov miyman sıpatında qatnastı. Ol Ekinshi jer júzilik urıs hám Awǵan urısı jıllarında xalqımız basınan ótkergen awır qıyınshılıqlar, mashaqatlı kúnler, joǵaltıwlar haqqında aytıp berdi. Sonday-aq, búgingi tınısh hám paraxat turmısımızdıń qádirine jetiw, elimizde húkim súrip atırǵan tatıwlıqtı saqlaw hár birimizdiń muqaddes minnetimiz ekeni atap ótildi. Ilaj dawamında tıńlawshılar menen ruwxıy-aǵartıwshılıq sáwbetler shólkemlestirilip, watansúyiwshilik, milliy maqtanısh hám tariyxıy esteliklerdi qásterlep saqlaw temalarına ayrıqsha itibar qaratıldı. Bul ilaj Watanǵa sadıqlıq, tınıshlıqtıń qádirine jetiw, ata-babalarımızdıń esteligine húrmet sezimlerin jáne de bekkemlewge tiykar jarattı. 
Mártler qorǵaydı Ana Watandı
Back To Top