Ustazlıqqa dáslepki qádem

Jaqında Qaraqalpaqstan Respublikası Pedagogikalıq sheberlik orayınıń baslaması menen respublikamızdaǵı jas pedagoglar ushın áhmietli bir joybar jolǵa qoyıldı. “Ustazlıqqa dáslepki qádem” dep atalǵan bul joybar zamanagóy ustazlıqqa qaray dáslepki qádemlerdegi isenimli jolbasshıǵa aylandı. Joybar sheńberinde oray professor-oqıtıwshıları tárepinen Taxtakópir rayonındaǵı ulıwma bilim beriw mákemelerinde jumıs alıp barıp atırǵan jas oqıtıwshılar ushın ámeliy oqıw seminarları shólkemlestirildi. Joybardıń tiykarǵı maqsetleri: Pedagogikalıq xizmetti nátiyjeli shólkemlestiriw; Oqıtıwda aldınģı hám innovaciyalıq metodikalardan paydalanıw; Hár bir oqıwshınıń psixologiyalıq ózgesheliklerin esapqa alıp, individual qatnastı qáliplestiriw; Aktiv hám interaktiv bilim beriw usılların ámeliyatqa engiziw. Bul joybar arqalı jas pedagoglar tek ǵana óz bilim hám sheberligin bekkemlep qoymastan, al bilimlendiriw tarawında jetekshilikke umtılıp atırǵan zamanagóy ustazlardıń qatarın keńeytpekte.