2025-jıl 16-may kúniQaraqalpaqstan Respublikası Pedagogikalıq sheberlik orayında “Jańa shoqqılar – bilimlendiriwde izleniwshilik hám dóretiwshilik” atamasında respublikalıq ilimiy-ámeliy konferenciya ótkereldi. Bul ánjumannıń tiykarǵı maqseti – zamanagóy bilimlendiriw texnologiyaların engiziw, aldıńǵı tájiriybelerdi almasıw, XXI ásir bilimlendiriwindegi jańa qatnaslardı dodalaw, pedagoglardıń kásiplik kompetentligin arttırıw hám ilimiy-metodikalıq usınıslardı qáliplestiriwden ibarat. Konferenciya tómendegi sekciyalar sheńberinde shólkemlestiriledi: Pedagogikalıq sheberlik – bilimlendiriw sapasın arttırıwdıń áhmietli faktorı; Anıq hám tábiyiy pánler oqıtıwshılarınıń pedagogikalıq sheberligin rawajlandırıw mashqalaları; XXI ásir, globallasıw dáwirinde filologiyalıq bilimlendiriw; Sociallıq pánlerdi oqıtıwda pedagogikalıq innovaciyalar hám dóretiwshilik; Baslawısh tálimde xalıqaralıq tájiriybeler; Úzliksiz kásiplik rawajlanıw procesinde pedagogikalıq-psixologiyalıq qatnasıqlar. Konferenciya tilleri: qaraqalpaq, ózbek, rus, inglis. Qatnasıwshılar: Basshı hám pedagog kadrlardıń qánigeligin arttırıwǵa qánigelesken institutlar, oraylar, joqarı bilimlendiriw mákemeleriniń professor-oqıtıwshıları, ulıwma bilim beriw mákemeleriniń basshıları hám oqıtıwshıları, jas ilimpazlar, izertlewshiler, bilimlendiriw sistemasın basqarıw uyımlarınıń xızmetkerleri, bilimlendiriw tarawında jumıs alıp baratuǵın xalıqaralıq hám sırt el shólkemleriniń wákilleri. Konferenciya materialları toplam túrinde basıp shıǵarıladı.
