#Ashıq_sabaq
“Anıq hám tábiyiy pánler metodikası” kafedrası aǵa oqıtıwshısı Asqar Naǵmetullaev tárepinen Matematika (1-topar) toparında “AHA matematika” sabaqlıǵınıń ózine tán ózgeshelikleri. MSS kózqarası atamasındaǵı ashıq sabaǵı ótkerildi.
Maqseti: “AHA matematika” sabaqlıǵınıń ózine tán ózgeshelikleri, Jerom Brunerdiń úsh basqıshlı “Materiallıq-Súwretli-Simvollı” oqıw kózqarası, máselelerdi sheshiwde MSS kózqarası tiykarında sabaqlardı shólkemlestiriw boyınsha ámeliy kónlikpelerin qáliplestiriw.
Sabaq dawamında bólsheklerdi esaplawda, keńisliktegi figuralardıń kólemin esaplawda hám algebralıq ańlatpalar temasın oqıtıwda MSS kózqarasın qollawǵa baylanıslı ámeliy tapsırmalar orınlatıwda usı temalarǵa baylanıslı materiallıq obyektlerden, sızılmaların sızıp kórsetiwde plakatlardan hám simvollı variantın amelge asırıwda A4 formattaǵı resurslardan paydalandı.
Sonday-aq, ámeldegi milliy oqıw baǵdarlamada belgilep qoyılǵan talaplardıń áhmiyeti haqqında da maǵlıwmatlar berildi.
Interaktiv metodlar tiykarında shólkemlestirilgen ashıq sabaqqa tıńlawshılar belsene qatnastı. Refleksiya basqıshında qatnasıwshılar óz pikir-usınısların bildirip, sabaqtan alǵan ámeliy kónlikpeleri bahalandı.
