Qaraqalpaqstan Respublikası Pedagogikalıq sheberlik orayı direktorınıń xalıqaralıq másláhátshi S’celo Velenkosini Zulu tárepinen úzliksiz kásiplik rawajlanıw kurs tıńlawshılarına «Key qualities of a good teacher presented by» temasında seminar-trening ótkerildi.
Maqseti – oqıtıwshılarǵa zamanagóy bilimlendiriw metodları, pedagogikalıq texnologiyalar hám nátiyjeli sabaq procesin shólkemlestiriw boyınsha jańa kónlikpelerdi úyretiw. Ilaj dawamında S’celo Velenkosini Zulu jaqsı muǵallim tek bilim berip qoymay, al oqıwshılardı turmısqa tayarlaw, oylaw qábiletin túsiniw, olardı ómirde tabısqa erisiw ushın zárúr bolǵan kónlikpelerdi beriw, sonday-aq, jaqsı oqıtıwshı óz sabaǵında tek maǵlıwmatlardı jetkerip beriwge emes, al oqıwshılardıń pikirlewin keńeytiwge hám olarǵa unamlı múnásibetlerdi qáliplestiriwge úlken itibar qaratatuǵının aytıp ótti. Ilaj juwmaǵında tıńlawshılar óz bilim hám kónlikpelerin ámeliyatqa engiziw boyınsha pikir alıstı.
