Pedagogikalıq sheberlik orayında «Social-ekonomikalıq pánler metodikası» kafedrası docenti N.Tleumuratova tárepinen professor-oqıtıwshılar hám metodistler ushın “Analitikalıq pikirlewdi rawajlandırıw usılında bilim beriw tiykarlari” temasında seminar ótkerildi.
Maqset: bilimlendiriw processinde oqıwshılarda analitik pikirlewdi qáliplestiriw, pedagoglarda bul qábiletti rawajlandırıwǵa qaratılǵan metod hám texnologiyalar menen tanıstırıw hám de olardı ámeliyatta qóllanıwǵa báǵdarlaw.
Seminar dawamında:
Bilimlendiriwde analitikalıq pikirlewdi rawajlandırıwdıń ilimiy-ámeliy tiykarları; Sabaq processinde analitikalıq pikirlewdi aktivlestiriwshi metod hám texnologiyalar; Pánler kesiminde ámeliy islenbeler prezentaciyası; Pedagogikalıq iskerlikte analiz hám debat júrgiziw iskerligin qáliplestiriw; STEAM hám PISA sistemalarına analizlewge tiykarlanģan tapsırmalar analizi; Bahalaw kriteriyaları, kritikalıq hám analitik pikirlewdiń uyģınlıģı; Oqıtıwshınıń shaxsiy kásiplik iskerliginde analitikalıq qatnastıń ornı.
Tema boyınsha ilimiy-teoriyalıq túsinikler, tiykarǵı bilimlendiriwge tiyisli qatnaslar hám xalıqaralıq tájiriybeler tuwralı maǵlıwmatlar berildi. Seminarda qatnasıwshılar berilgen mashqalalı jaǵdaydı analizlew, sheshim usınıs etiw jáne onı tiykarlap beriw boyınsha jumıs alıp bardı. Mashqalalı wazıypalardı sheshiwde pikir alısıwlar hám izbe-iz qatnas jasawdı qáliplestiriwge itibar qaratıldı.
