Social tarmaqlar arqalı Nókis qalasındaǵı Pedagogikalıq sheberlik orayı hám jataqxanasınıń sharayatları boyınsha múrájat tarqalǵan.
Tarqalǵan múrájat Qaraqalpaqstan Respublikası Pedagogikalıq sheberlik orayı tárepinen qadaǵalawǵa alınıp, úyreniw jumısları alıp barıldı.
Úyreniw dawamında Pedagogikalıq sheberlik orayı jataqxanasında qáte-kemshilikler bar ekenligi anıqlandı. Búgingi kúnde anıqlanǵan kemshilikler saplastırılıp, sanitariyalıq hám gigienalıq talaplarǵa tolıq juwap beretuǵın jaǵdayda (erler hám hayallar ushın bólek hájetxana hám juwınıw bólmeleri) qayta ońlaw isleri ámelge asırılıp, pedagoglar hám tıńlawshılar ushın zárúr sharayatlar jaratılǵanlıǵın málim etip bildiremiz.
Qaraqalpaqstan Respublikası Pedagogikalıq sheberlik orayı baspasóz xızmeti
