Pedagogikalıq sheberlik orayı baslaması menen ótkerilip atırǵan yarmarka ustazlardıń aldıńǵı tájiriybeleri, innovaciyalıq kózqarasları hám dóretiwshilik islenbelerin usınıs etpekte.
Pedagogikalıq sheberlik orayınıń baslaması menen shólkemlestirilgen “Renessans ustazları” pedagogikalıq sheberlik yarmarkası joqarı dárejede ótkerildi.
Ilajda Oray direktorı Venera Bekmuratova sózge shıǵıp , yarmarkanıń tiykarǵı maqseti – ustazlardıń tájiriybesi hám dóretiwshilik izlenislerin keń jámiyetshilikke usınıw, zamanagóy bilimlendiriw procesinde pedagoglardıń abırayın jáne de arttırıwdan ibarat ekenin atap ótti.
Yarmarka dawamında qatnasıwshılar óz bilim hám sheberligin belsene kórsetip, kreativ qollanbalar hám aldınǵı pedagogikalıq tájiriybelerdi usındı.
Ilaj juwmaǵında yarmarka ustazlardıń kásiplik potencialın arttırıw, bilimlendiriwdiń sapasın arttırıw hám innovaciyalıq kózqaraslardı ǵalaba en jaydırıwǵa xızmet etkeni ayrıqsha atap ótildi.
Yarmarkada belsene qatnasqan ustazlar hár qıylı nominaciyalar boyınsha sertifikatlar menen sıylıqlandı.
