2025-jıl 13-noyabr kúni Qaraqalpaqstan Respublikası Pedagogikalıq sheberlik orayında “Mektepke shekemgi, baslawısh hám arnawlı tálim metodikaları” kafedrasınıń baslaması menen elimizde hár jılı belgilenip kiyatırǵan “Zúráát bayramı” ilajı ótkerildi. Bul bayram elimizdiń zúráátli atızları, miynetkesh diyqanlarımızdıń pidákerlik miyneti hám ata-babalarımızdan miyras bolıp kelgen diyqanshılıq dástúrlerin qádirlewge xızmet etip, jámiyetimizde miynet hám berekettiń áhmiyetli tımsalı sıpatında keńnen belgilenedi. Ilaj dawamında tıńlawshılar tárepinen hár qıylı miywe-ovoshlardan tayarlanǵan kórgizbeler hám diyqanshılıqqa baylanıslı tábiyǵıy processlerdi sáwlelendiriwshi kórgizbeli materiallar kórsetildi. Tıńlawshılardıń dóretiwshilik qatnasıwı hám temaǵa bolǵan qızıǵıwshılıǵı ilajǵa ózine tán ruwx baǵıshladı. 
Pedagogikalıq sheberlik orayında Zúráát bayramı
Back To Top