Qaraqalpaqstan Respublikası Mektepke shekemgi hám mektep bilimlendiriwi ministrliginiń 2025-jıl 28-oktyabrdegi 35-sanlı hám Beruniy rayonı hákimliginiń 2025-jıl 25-oktyabrdegi 2-sanlı qospa qararınıń orınlanıwın támiyinlew maqsetinde Beruniy rayonı Mektepke shekemgi hám mektep bilimlendiriwi bólimine qaraslı, bilimlendiriw sapası tómen hám quramalı ortalıqtaǵı mektep muǵallimleri ushın ámeliy metodikalıq seminar shólkemlestirildi.
Seminar Metodikalıq xızmet kórsetiw bólimi metodistlerinen ibarat mobil metodikalıq topar tárepinen Beruniy rayonı 33-sanlı ulıwma orta bilim beriw mektebinde ótkerildi. Ilaj dawamında oqıtıwshılarǵa oqıw procesin nátiyjeli shólkemlestiriw, sabaq sapasın hám metodikasın jaqsılaw, zamanagóy pedagogikalıq texnologiyalardı ámeliyatqa engiziw boyınsha járdem kórsetildi.
Maqset:
Bilimlendiriw sapası tómen hám qıyın sharayattaǵı mektep muǵallimlerine metodikalıq járdem kórsetiw, olardıń pedagogikalıq qánigeligin arttırıw, sabaq sapasın jaqsılaw hám zamanagóy pedagogikalıq qatnaslardı ámeliyatqa engiziw.
