#Open_Lesson
Qaraqalpaqstan Respublikası Pedagogikalıq sheberlik orayında “Mektepke shekemgi, baslawısh hám arnawlı tálim metodikaları” kafedrası docenti Perdaxan Salieva tárepinen baslawısh tálim (qaraqalpaq tilinde alıp barılatuǵın) 3-topar tıńlawshıları ushın ” Ózlestiriwi qıyın oqıwshılardı kórkem shıǵarmanı tallawǵa úyretiwde interaktiv usıllardan paydalanıw” temasında ashıq sabaq shólkemlestirildi.
Sabaqtıń maqseti – tıńlawshılardıń oqıw sawatlılıǵı hám ana tili sabaqlarında XXI ásir kónlikpelerin rawajlandırıwǵa baǵdarlanǵan bilimlerin bayıtıw hám de oqıwshılardı kórkem shıǵarmanı tallawǵa úyretiwde interaktiv metodlardan nátiyjeli paydalanıw sheberligin qáliplestiriwden ibarat boldı. Sabaq procesinde “Sizge tilegim,” “Sen magan kúlip qara,” minilekciya, pikirler almasıw, enerjayzer, sonday-aq, kórgizbeli prezentaciya hám ámeliy shınıǵıwlarda interaktiv metodlardan paydalandı. 
