“Bayraǵımız – maqtanıshımız” atamasında bayram ilajı ótkerildi

Qaraqalpaqstan Respublikası Pedagogikalıq sheberlik orayınıń “Social-ekonomikalıq pánler metodikası” kafedrası tárepinen 18-noyabr – Ózbekstan Respublikası Mámleketlik bayraǵı qabıl etilgen kún múnásibeti menen “Bayraǵımız – maqtanıshımız” atamasında bayram ilajı shólkemlestirildi. Ilajdıń tiykarǵı maqseti – tıńlawshılar hám pedagoglar arasında mámleketlik nıshanlarǵa bolǵan húrmetti arttırıw, milliy qádiriyatlarımızdıń mazmun-mánisin tereń túsindiriw, jas áwlad qálbinde watansúyiwshilik hám milliy maqtanısh sezimlerin kúsheytiwden ibarat. Bayram baǵdarlaması dawamında Mámleketlik bayraqtıń qabıl etiliw tariyxı, onıń simvolikalıq mánisleri hám búgingi kúndegi áhmiyeti haqqında maǵlıwmatlar berildi.