“Mektepke shekemgi, baslawısh hám arnawlı tálim metodikaları” kafedrası oqıtıwshısı Gauxar Eshmuratova tárepinen mektepke shekemgi bilimlendiriw tárbiyashıların úzliksiz oqıtıw kursı tıńlawshılarl ushın “Jetilistirilgen «Dáslepki qádem» mámleketlik oqıw baǵdarlaması tiykarında mektepke shekemgi bilimlendiriw shólkemlerinde rawajlanıw oraylarınıń integraciyası” temasında ashıq sabaq shólkemlestirildi. Sabaqtıń maqseti tıńlawshılardıń «Dáslepki qádem» baǵdarlamasın tálim-tárbiya procesinde nátiyjeli qollanıw kónlikpelerin qáliplestiriw, sonday-aq, rawajlandırıwshı oraylardıń integraciyası boyınsha túsiniklerin keńeytiwden ibarat boldı. Shólkemlestiriw bóliminde sáwbetlesiw, túsindiriw hám “Ayting-shamalap” shınıǵıwı arqalı kiriw jumısı shólkemlestirildi. Sabaq procesinde “Shınjır” metodi tiykarında topar jumısları ámelge asırılıp, kishi toparlarda ámeliy tapsırmalar orınlandı. Sonday-aq, “Integraciya laboratoriyası” metodı tiykarında rawajlandırıw orayları boyınsha ámeliy shınıǵıwlar alıp barıldı. 
“Dáslepki qádem” baǵdarlamasınıń mazmunı boyınsha ashıq sabaq ótkerildi
Back To Top