Pedagogikalıq sheberlik orayımızda Noyabr ayında Informatika hám IT kursı tájiriybe arttırıw kurslarımızdı jáne de bayıtqan, ilimiy potencialı hám innovaciyalıq kózqarası menen ajıralıp turatuǵın ustaz – Saparniyazov Abay Saburovich boldı. Informatika hám málimleme texnologiyaları tarawında 27 jıldan berli pidayı miynet etip kiyatırǵan, júzlegen qábiletli shákirtler jetistirgen, “Shuhrat” medalınıń iyesi bolǵan bul ustaz biziń Kásiplik rawajlanıw kursımızda óziniń jańa bilimlendiriw joybarı baǵdarlaması haqqında bayanat jasadı. Ustaz usınǵan innovaciyalıq joybar: Abay Saburovich búgingi kúnde bilimlendiriw sistemasında eń zárúr bolǵan mashqalanı – 1-klass oqıwshılarınıń erkin oqıw, erkin shınıǵıw hám óz ústinde islew kónlikpelerin rawajlandırıw máselesin sheshiwge qaratılǵan úlken joybar ústinde islegenin atap ótti. Dúzilgen programmanıń abzallıqları:
- 1-klass matematika pánin óz betinshe úyreniwge járdem beredi.
- 5 tilde islep shıǵılǵan: ózbek, qaraqalpaq, rus, qazaq hám túrkmen.
Mámleketimizdegi kóp tillilik principine tolıq sáykes
- Interaktiv shınıǵıwlar, oyınlar, testler, audio hám video kórsetpeler jámlengen
- Temalar balalardıń jası hám psixologiyasına sáykes túrde islep shıǵılǵan.
- Ata-analar ushın qolaylı qadaǵalaw sisteması bar
- Matematikanıń tiykarģı túsinikleri qızıqlı hám ápiwayı túrde beriledi.
Joybardıń tiykarǵı maqseti: ✨ Kishi jastaǵı oqıwshılarda:
- óz betinshe pikirlew,
- logikalıq pikirlew,
- esaplaw kónlikpesi,
- oqıwǵa qızıǵıwshılıq;
sıyaqlı kónlikpelerdi qáliplestiriw. Bul joybar tek ǵana oqıwshılar ushın emes, al ata-analar hám muǵallimler ushın da qosımsha járdemshi bolıp xızmet etedi. Pedagogikalıq sheberlik orayı jámááti ushın maqtanısh: Saparniyazov Abay Saburovich sıyaqlı bilimli, tájiriybeli, innovaciyalıq pikirleytuǵın ustazlar menen islesiw, olardıń tájiriybesinen úlgi alıw – biz ushın úlken maqtanısh. Orayımızdaǵı tıńlawshılar ustazdıń joybarın úlken qızıǵıwshılıq penen tıńladı hám onı baslawısh bilimlendiriwge qosılǵan úlken úles sıpatında bahaladı. Ustazdıń sıylıqları hám jetiskenlikleri:
- “Shuhrat” medalı (2017);
“Ózbekstan hám Qaraqalpaqstan Respublikası xalıq bilimlendiriw aǵlası” kókirek belgileri;
- Qaraqalpaqstan Respublikası Joqarǵı Keńesiniń bir neshe márte “Húrmet jarlıqları”
- Google Certified Educator (1-dáreje, 2-dáreje)
- Coursera xalıqaralıq kurslarınan 40+ sertifikatlar
- “Bir million programmist” platforması boyınsha oqıwshıları menen nátiyjeleri.
- Sanlı bilimlendiriw resursları boyınsha Respublikalıq basqıshta bir neshe márte I orın jeńimpazı
- Oqiw-metodikalıq qollanbalar hám informatika boyinsha metodikalıq kitaplar avtori.
Shákirtleri – onıń eń úlken jetiskenligi Ustazdıń tayarlaǵan shákirtleri 1999-jıldan 2025-jılǵa shekem: Respublikalıq pán olimpiadaları ️”Bilimler bellesiwi” jarısları ️ IT tańlawlar ️ Jańa texnologiyalar boyınsha festivallar turaqlı túrde I, II hám III orınlardı ielep kelgen. Búgin bolsa olar: – programmistler, – oqıtıwshılar, – IT qánigeleri, – joybarlar basshıları, – bilimlendiriw tarawındaǵı liderler sıpatında tabıslı jumıs alıp barmaqta. Saparniyazov Abay Saburovich – bul tek ǵana ustaz emes, bálkim: -jaslardıń arzıwı hám keleshegi ushın juwapkershilikti moynına alǵan insan; – jańalıq jaratıwshı, izleniwden toqtamaytuǵın novator; – óz shákirtleri menen maqtanıp, olardı úlken sheklerge jetekleytuǵın trener; -zamanagóy sanlı bilimlendiriwdiń belsendi úgit-násiyatlawshısı. Abay Saburovich, mazmunlı prezentaciyańız, qızǵın pikirlerińiz hám innovaciyalıq qatnasıńız ushın raxmet! Siz sıyaqlı ustazlar bilimlendiriwimizdiń haqıyqıy tayanıshı hám isenimli keleshegi bolıp esaplanadı. 
