“Sociallıq-ekonomikalıq pánler metodikası” kafedrası oqıtıwshısı G.Ubbiniyazova basshılıǵında tıńlawshılar ushın paytaxtımızdaǵı kózi ázzi insanlar ushın mólsherlengen arnawlı kitapxanaǵa ámeliy tanısıw saparı shólkemlestirildi. Maqset – bul kitapxanada mayıplıǵı bolǵan shaxslar ushın jaratılǵan imkaniyat hám texnikalıq sharayatlar menen tıńlawshılardı jaqınnan tanıstırıwdan ibarat. Sapar dawamında kitapxanada bar BRAYL álipbesindegi kitaplar, audiovizual dárekler, tekstlerdi Brayl jazıwına kóshiriw qurılmaları, úlkeytip kórsetiw funkciyasına iye lupa qurılmaları hám basqa da zamanagóy texnikalıq qurallardıń jumısı haqqında tolıq maǵlıwmat berildi. Bul imkaniyatlar zamanagóy kitapxanashılıq tarawında ámelge asırılıp atırǵan innovaciyalıq kózqaraslardıń ámeliy kórinisi ekeni atap ótildi.
