2025-jıl 11-dekabr kúni Anıq hám tábiyıy pánler metodikası kafedrasınıń Fizika páni tıńlawshıları tárepinen 22-dekabr – Energetikler kúni múnásibeti menen “Energetika – Turmıstıń júregi” atamasında ilaj ótkerildi.
Energetika tarawı mámlekettiń ekonomikalıq potencialı, infrastrukturanıń turaqlılıǵı hám xalıqtıń turmıs sapası menen tikkeley baylanıslı bolǵan strategiyalıq baǵdarlardan biri bolıp esaplanadı. Búgingi kúnde energetika sistemasınıń turaqlı rawajlanıwı nátiyjeli energiya dáreklerinen paydalanıw, qayta tiklenetuǵın energiya resursların keńnen engiziw, energiya qáwipsizligin hám ekologiyalıq turaqlılıqtı támiyinlew sıyaqlı tiykarǵı wazıypalardı óz ishine aladı.
Ilajdı kafedra baslıǵı Q.Turmanov ashıp berip, qatnasıwshılardı bayram menen qutlıqladı hám energetika sistemasınıń mámleket rawajlanıwındaǵı, ekonomikanıń turaqlılıǵındaǵı hám kúndelikli turmıstaǵı strategiyalıq ornın atap ótti.
Bunnan soń kafedranıń aǵa oqıtıwshısı B.Arzımbetova tárepinen “Energetika tarawınıń turmısımızdaǵı áhmiyeti” temasında bayanatı tıńlandı. Onda energiya infrastrukturasınıń rawajlanıwı, energiya dárekleriniń sanaat hám sociallıq turmıstaǵı ornı, sonday-aq, ekologiyalıq qáwipsiz hám turaqlı energiya sistemalarına ótiwdiń áhmietli ekenligi atap ótildi.
Ilaj dawamında tıńlawshılar tárepinen tema boyınsha prezentaciyalar, interaktiv soraw-juwaplar shólkemlestirilip, energetika baǵdarına baylanıslı áhmiyetli máseleler boyınsha pikir alısıldı.
