Qaraqalpaqstan Respublikası Pedagogikalıq sheberlik orayında korrupciyaǵa qarsı gúresiw máselelerine baǵıshlanǵan “Korrupciyasız jámiyet” atamasında ilaj bolıp ótti. Ilajda Social-ekonomikalıq pánler metodikası kafedrasınıń aǵa oqıtıwshısı A.Shirazov shıǵıp sóylep, 2025-jıl 5-mart kúni Ózbekstan Respublikası Prezidenti Shavkat Mirziyoevtiń basshılıǵında ótkerilgen Korrupciyaǵa qarsı gúresiw milliy keńesiniń májilisi nátiyjeleri haqqında maǵlıwmat berdi. Ol korrupciyanıń reformalar jolındaǵı eń úlken tosqınlıq ekenin atap ótip, sońǵı jılları bul illetke qarsı qabıl etilgen nızamlar hám jaratılǵan jańa sistemalar haqqında aytıp berdi.
