Pedagogikalıq sheberlik orayınıń inglis tili páni metodisti Z. Bagdiyarova tárepinen Beruniy rayonındaǵı 29, 35 hám 36-sanlı ulıwma orta bilim beriw mekteplerinde inglis tili páni jetekshi oqıtıwshıları tárepinen ótkerilgen ashıq sabaqlar tallıqlandı. Talqılaw dawamında metodist tárepinen sabaqtıń shólkemlestiriw tárepleri, qollanılǵan zamanagóy metodlar, oqıwshılardıń belsendiligi hám temanı ózlestiriw dárejesi hár tárepleme kórip shıǵıldı. Metodist Z. Bagdiyarova sabaq procesinde interaktiv texnologiyalardan nátiyjeli paydalanılǵanı, oqıwshılardıń sóylew kompetenciyaların rawajlandırıwǵa qaratılǵan tapsırmalar puqta islep shıǵılǵanı hám oqıwshılar belsene qatnasqanın atap ótti. Sonday-aq, ayırım tapsırmalarda waqıt bólistiriliwin bunnan bılay da jetilistiriw boyınsha usınıslar berildi. Ashıq sabaq dawamında oqıtıwshı zamanagóy pedagogikalıq texnologiyalar tiykarında qızıqlı hám nátiyjeli bilimlendiriw procesin shólkemlestirdi.
