Pedagogikalıq sheberlik orayınıń metodistleri tárepinen metodikalıq ámeliy járdem kórsetiw maqsetinde Beruniy rayonındaǵı 15-sanlı ulıwma bilim beriw mektebinde 15, 20, 23, 34, 39, 40, 53 hám 54-sanlı mektep muǵallimleri ushın “Sabaqlarǵa tayarlıq kóriw hám onı joybarlastırıw” temasında “Metodikalıq impuls” seminar-trening ótkerildi. Ilaj energeyzer menen baslanıp, “Wordwall” platforması arqalı oqıtıwshılardıń itibarın jámlew hám belsene qatnasıwın támiyinlewge qaratılǵan shınıǵıwlar shólkemlestirildi. Bunnan soń qatnasıwshılar “Wheel of Names” platforması arqalı kishi toparlarǵa bólindi. Seminar dawamında oqıtıwshılarǵa “Ne ushın sabaqqa aldınnan tayarlıq kóriw hám durıs joybarlaw áhmiyetli?” atamasında tapsırma berilip, olar “Klaster diagramma” usılında óz pikirlerin toparlar kesiminde qáliplestirip usındı. Keyingi basqıshta pán baǵdarları boyınsha “Ideal sabaqtı jaratıń!” tapsırması orınlandı. Hárbir topar óz sabaq modeli menen tanıstırılıp, sabaq joybarları tallandı. Seminar juwmaǵında qatnasıwshı oqıtıwshılardıń pikir-usınısları tıńlanıp, tiyisli usınıslar berildi. 
Muǵallimler ushın ámeliy-metodikalıq tájiriybe almasıwı shólkemlestirildi
Back To Top