Qaraqalpaqstan Respublikası Pedagogikalıq sheberlik orayında 2026-oqıw jılınıń ashılıwına baǵıshlanǵan saltanatlı ilaj bolıp ótti. Ilajdı Oraydıń Akademiyalıq iskerlik boyınsha direktor orınbasarı A.Qaypnazarov ashıp berdi. Ol qatnasıwshılardı jańa oqıw jılınıń baslanıwı menen qutlıqlap, tıńlawshılarǵa kurslardıń maqset hám wazıypaları, oqıw procesi, zamanagóy bilimlendiriw metodları hám pedagoglardıń kásiplik rawajlanıw imkaniyatları haqqında maǵlıwmat berdi. Sonday-aq, ilajda Akademiyalıq iskerlikti muwapıqlastırıw bólimi baslıǵı M.Uteniyazov shıǵıp sóylep, pedagoglardıń úzliksiz kásiplik rawajlanıwı, zamanagóy bilim hám kónlikpelerdi iyelewdiń áhmiyeti jáne bilimlendiriw procesine innovaciyalıq texnologiyalardı engiziw máselelerine ayrıqsha itibar qarattı. Ilaj dawamında tıńlawshılar menen ashıqtan-ashıq sóylesiw shólkemlestirilip, kurs procesi boyınsha sorawlarǵa tolıq juwaplar berildi.
