Búgin Qaraqalpaqstan Respublikası Pedagogikalıq sheberlik orayında 14-yanvar – Watan qorǵawshıları kúni hám Ózbekstan Respublikası Qurallı Kúshleri dúzilgeniniń 34 jıllıǵı múnásibeti menen bayram ilajı bolıp ótti.
Ilajda Qaraqalpaqstan Respublikası Pedagogikalıq sheberlik orayı direktorı wazıypasın waqtınsha atqarıwshı B.Iztileuov shıǵıp sóylep, barlıq qatnasıwshılardı usı áhmiyetli sáne menen qızǵın qutlıqladı.
Sonday-aq, elimizde húrmetli Prezidentimiz, Qurallı Kúshler Joqarǵı Bas Sárkardası tárepinen áskeriy tarawdıń rawajlanıwına qaratılıp atırǵan joqarı itibar ayrıqsha atap ótildi. Milliy armiyamız tárepinen mámleketlik shegaralarımızdıń qáwipsizligin támiyinlew, Watanımızdıń tınıshlıǵı hám xalqımızdıń tatıwlıǵın saqlaw jolında alıp barılıp atırǵan xızmetler sheksiz ekeni atap ótildi.
Watan qorǵawshıları bar eken, elimiz tınısh, aspanımız ashıq, xalqımızdıń abadanlıǵı hám tatıwlıǵı turaqlı bolatuǵını atap ótildi. Ilajda oray Hayal-qızlar komitetiniń baslıǵı P.Saliyeva shıǵıp sóylep, jámáát aǵzaların bayram menen qutlıqladı hám bayram sawǵaların tapsırdı.
Sonday-aq, bayramda tıńlawshılar tárepinen tayarlanǵan koncert baǵdarlaması qoyıp berildi.
