Búgin Qaraqalpaqstan Respublikası Pedagogikalıq sheberlik orayınıń direktorı G.Kojabaeva mektepke shekemgi bilimlendiriw shólkemleriniń tıńlawshıları menen ashıq sáwbet ótkerdi.
Ashıq sáwbetiń tiykarǵı maqseti – bilimlendiriw procesin jetilistiriw, tıńlawshılardıń usınıs hám baslamaların tıńlaw, oqıw procesiniń nátiyjeliligin arttırıw hám ashıq-aydın sáwbetlesiw ortalıǵın jaratıw.
Ushırasıw dawamında tıńlawshılar oqıw sabaqlarına qatnasıwı, sabaqlarǵa bolǵan qızıǵıwshılıǵı, ózlestiriw procesindegi tájiriybeleri hám ámeliy sabaqlardıń áhmiyeti boyınsha pikir-usınısların bildirdi.
Sonıń menen birge, bilimlendiriwdiń sapasın arttırıwǵa qaratılǵan usınıslar da alǵa qoyıldı. Ilajda ǵalaba xabar qurallarınıń wákilleri de qatnastı.
