“Social-ekonomikalıq pánler metodikası” kafedrası aǵa oqıtıwshısı A.Shrazov tárepinen oray professor-oqıtıwshıları ushın “Tálim procesine aldınǵı pedagogikalıq texnologiyalardı engiziw” atamasında seminar-trening ótkerildi.
Treningte interaktiv metodlar tiykarında sabaqlardı shólkemlestiriw usılları, olardı durıs tańlaw hám ámelde qollanıw kónlikpeleri, sabaqtıń interaktiv tárizde dúziliwi, jámáátte islew hám kommunikativlik kónlikpelerge baylanıslı teoriyalıq túsinikler berildi.
Sonday-aq, qatnasıwshılar menen “Faktlerdi muwapıqlastırıń!,” “Keys-stady” “Normanı tártipke keltiriń!,” “Ruwxıy qatar,” “Piktogramma” sıyaqlı interaktiv metodlar boyınsha ámeliy shınıǵıwlar ótkerildi. 




