A.Avloniy atındaǵı milliy izertlew institutı hám Francophonia orayı menen birgelikte Franciyanıń Nitsa qalasında shólkemlestirilgen tájiriybe arttırıw baǵdarlaması tabıslı juwmaqlandı. Bul oqıw kursları bilimlendiriw procesine innovaciyalıq qatnaslardı engiziw, zamanagóy pedagogikalıq usıllardı ámeliyatqa engiziw hám jasalma intellekt texnologiyaların oqıtıw procesine integraciyalaw máselelerine baǵıshlandı. Baǵdarlama sheńberinde Aix-en Provence institutı menen birgelikte ótkerilgen 10 kúnlik sabaqlarda Qaraqalpaqstan Respublikası Pedagogikalıq sheberlik orayınıń wákilleri – direktor orınbasarı Baymurat Iztileuov hám kafedra baslıǵı Rawaj Bauetdinov belsene qatnastı. Oqıw kursınıń juwmaǵında tıńlawshılarǵa Francophonia orayı hám Aix-en Provence institutı tárepinen arnawlı sertifikatlar tapsırıldı.
