Qaraqalpaqstan Respublikası Pedagogikalıq sheberlik orayında 2026-jıl fevral ayında gezektegi Keńes májilisi bolıp ótti. Májilisti Oraydıń direktorı G.Kojabaeva alıp bardı. Keńes májilisinde Oray jumısınıń tiykarǵı baǵdarları hám áhmiyetli máseleleri dodalandı hám kún tártibine tómendegi máseleler úyrenip shıǵıldı:
Yanvar ayındaǵı oray Keńes qararlarınıń orınlanıwı; Yanvar ayında qabıl etilgen qararlardıń orınlanıwı boyınsha ámelge asırılǵan jumıslar talqılanıp, juwapkerlerdiń esabatları tıńlandı. Qararlardıń orınlanıw nátiyjeliligi dodalanıp, anıqlanǵan kemshiliklerdi saplastırıw boyınsha tiyisli tapsırmalar berildi. Metodikalıq xızmet kórsetiw bólimi tárepinen pedagoglarǵa úzliksiz metodikalıq járdem kórsetiw boyınsha alıp barılıp atırǵan jumıslar;
Pedagog xızmetkerlerge úzliksiz metodikalıq járdem kórsetiw baǵdarında ámelge asırılıp atırǵan jumıslar boyınsha maǵlıwmat berildi. Oqıw-metodikalıq támiynattı jetilistiriw, aldınǵı tájiriybelerdi ǵalaba en jaydırıw hám pedagoglardıń kásiplik kompetenciyaların rawajlandırıwǵa qaratılǵan ilajlar dodalandı. Qánigeligin arttırıw kurslarında tıńlawshılar menen ótkeriletuǵın ruwxıy-aǵartıwshılıq ilajlar hám olardıń áhmiyeti; Tıńlawshılar menen ótkerilip atırǵan ruwxıy-aǵartıwshılıq ilajlardıń mazmun-mánisi hám áhmiyeti haqqında maǵlıwmat berildi. Bul ilajlardıń pedagoglardıń kásiplik hám jeke rawajlanıwındaǵı ornı ayrıqsha atap ótildi.
Kún tártibindegi máseleler boyınsha Keńes aǵzalarınıń pikir-usınısları tıńlandı hám dodalawlar juwmaǵında tiyisli qararlar qabıl etildi. Belgilengen wazıypalardıń orınlanıwın támiyinlew boyınsha juwapkerlerge anıq tapsırmalar berildi.
