Pedagogikalıq sheberlik orayında “Sanlı dúnya pedagogları” atamasında keshe ótkerildi. Ilaj zamanagóy sanlı bilimlendiriw ortalıǵında pedagoglardıń kásiplik kompetenciyaların rawajlandırıw, innovaciyalıq texnologiyalardı bilimlendiriw procesine nátiyjeli integraciyalaw hám aldınǵı tájiriybelerdi ǵalaba en jaydırıwǵa qaratıldı. Kesheni Oraydıń Akademiyalıq iskerlikti muwapıqlastırıw bólimi baslıǵı M.Uteniyazov M.Uteniyazov kiris sóz benen ashıp berdi hám ilajdıń áhmiyetli ekenligin ayrıqsha atap ótti. Bunnan soń “Anıq hám tábiyiy pánler metodikası” kafedrası baslıǵı Q.Turmanov seminardıń maqset hám wazıypaları haqqında bayanat jasadı. Ilaj sheńberinde “Sanlı sálemnama,” “Sanlı popuri” hám qosıq atqarılıwı qatnasıwshılarǵa kóterińki keypiyat baǵıshladı. “Sanlı dúnya: Ustazlar missiyası” temasındaǵı shıǵıp sóylew bolsa pedagoglardıń sanlı transformaciya procesindegi ornı hám juwapkershiligin jarıtıp berdi. Seminar juwmaǵında “Oqıtıwshı viktorinası: Sanlı dúnya imtixanı” atamasında soraw-juwap bellesiwi shólkemlestirilip, qatnasıwshılardıń bilim hám kónlikpeleri sınaqtan ótkerildi. 
Sanlı dúnya pedagogları” atamasında keshe shólkemlestirildi
Back To Top