8-mart – Xalıqaralıq hayal-qızlar bayramı múnásibeti menen Qaraqalpaqstan Respublikası Pedagogikalıq sheberlik orayı direktorınıń akademiyalıq iskerlik boyınsha orınbasarı A.Qaypnazarov oqıw sabaqları ótip atırǵan sabaqlarǵa kirip, tıńlawshı hayal-qızlardı bayram menen qutlıqladı. Ol óz sózinde muǵallimshilik kásibi jámiyette eń ullı hám maqtanıshlı kásiplerden biri ekenin ayrıqsha atap ótip, tálim-tárbiya procesinde hayal pedagoglardıń ornı hám pidákerlik miyneti joqarı qádirlenetuǵının atap ótti. Sonday-aq, barlıq hayal-qızlarǵa bekkem densawlıq, shańaraqlıq baxıt-ıǵbal hám kásiplik jumıslarında úlken tabıslar tiledi.
